تراك حزين .. بعتذرلك إني دايما كنت أقصر في الكلام للشاعر محمود عبدالقوي
رابط الفيديو علي اليوتيوب
كلمات التراك
#بعتذرلك ..
أنى ديما كنت اقصر ف الكلام
واني باسرح لما اشوفك
ف ابتسملك والسلام
وانى ناقص ف المعامله
والمجامله والاهتمام
وانى عاجز انى افسر
صوت مشاعرى وانى خام
وان قلبي بيبكى جدا
لو يحسك هتسبيه
وان حضنى ساعات مكنشِ
يسمح انك تبقى فيه
واني عادي ومش مثالي
واني سهل ومش حويط
وان بير اسرارى خالي
وانى بنى آدم بسيط
بعتذرلك انى ناقص كام بحبك
كام عشقتك كام بغير
وانى بسمح للعياط
.. انه يتحكم كتير
وانى سبتك مره تبكى
وانتى مش قد العياط
وانى مره نسيت اشاركك
ف الزعل والانبساط
وان كل وعودى خابت
وان شعرة حزني شابت
وان انا مليان خدوش
وانى وحدانى انطوائى
وانى بأذيكى بحيائى
وان حبى و اشتياقى
الكلام مبيوصفوش
بعتذرلك عن سكوتي
وقت ما تحبي الكلام
و إن عندي شيروفوبيا
و نقص حاد في الاهتمام
و إني دخلتك معادلة
ليها اكتر من نهاية
و إني خليتك بعيدة
بس محتاجلك معايا
بعتذرلك عن كلامي
وقت ما تحبي السكات
و إني كافر بالسعادة
و إني مؤمن بالعياط
و إني بطلت السجاير
يوم - يومين و رجعت تاني
و إني عايزك تبقي ليا
بس مش عايزك تعانى
بعتذرلك عن وجودي
و باعتذرلك ع الغياب
و إني مايل لانعزالي
و مادة خام للإكتئاب
و إني زودت ارتباطك
بألف حاجة هاتسيبيها
و إني قللت انبساطك
بالحياة - بوجودي فيها
بشكرك جدا لانك
بتشلينى جوه منك
قابله بطباعى وكأنك
راضيه كل النقص فيا
وعد مني.. هبقي ليكي
وابقى اد المسؤليه
بعتذرلك
في نهاية موضعنا الكريم نشكر سيادتكم لإكمال المقالة والوصول إلى هنا فأنت فى المكان الصحيح يا عزيزى القارئ فلا تبخل على الأخرين بالحصول على هذة الرسالة لطريق الحق وشارك المدونة مع أصدقائك بنسخ العنوان من أعلى وإرسالة إلى كل من تريد له الخير ونرحب بكتابة تعليق لنا لتحفيذنا على المزيد من المدونات الخاصة بذلك أو التعبير منك بشعورك تجاهنا وإذا أنت تريد تطبيق أو شيئا فما عليك سوى مراسلتنا عبر مواقع التواصل التى سوف تجدها فى المدونة أو إخبارنا فى التعليقات ويشرفنا أيضا زيارتك الكريمة لمدونة عبدالقوى للمعلومات ..
معا نصنع المعجزات
***********************
***********************
شكرا لك .. الى اللقاء
*
*
ليست هناك تعليقات: