.jpeg)
التكتوك هو وسيلة مواصلات يستخدمها الكثير من الناس لسهولة انتقالها ما بين الشوارع الضيقة ولقضاء حاجاتهم في الأسواق وغيرها من الأمور المشابهة وفي المقابل هي مهنة شريفة لكثير من الناس الذين يودون الحصول على لقمة عيشهم بالحلال فيقوم بشراء أو استئجار توكتوك والعمل عليه ، الكلام هنا بئا على إيه ليه بعض سائقي التكاتك عايشين معانا بالزء أو عافية يركن عافية ويوقف عافية وياخد فلوس عافية ويحدد أماكن شغله والحتت اللى يروحها عافية وصوت أغانيهم عافية يعني مثال تيجي توقف توكتوك بعد إذنك يا أسطى ممكن توديني المكان الفلاني اتفضل تركب سيجارته في بوئه مشغل أغاني ما يعلم بيها إلا ربنا كل ثانيتين يسألك عن المكان عشان يحسسك أنك طولت عليه المسافة مع انك لسه راكب تيجي تحاسبه تسمع خناقة الناس كلها تتفرج عليها ما هي غلطتك ما أنت اللى متفقتش معاه قبل ما تركب ولو اتفقت يقولك المسافة كده بعيدة هاخد كذا وخناقة لحد الصبح وغير كده المشي ف المخالف وحالات الخطف وغيرها والمعاكسات وفيه سواقين تحس أنه راكب طيارة ومش شايف بني ٱدمين ع الأرض فسؤالي ليهم أنتم عايزين مننا إيه لأن كده كتير ع المرارة بس أقولكم ع حاجة إيه رأيكم نتفق اتفاق أنكم تراعوا ربنا فينا ؟؟ تمشوا بالراحة ومتتسبقوش ف الشارع لأنه مش ليكم لوحدكم وتشغلوا أغانيكم ع قدكم وتاخدوا حسابكم بما يرضي الله لأن اللى راكب معاك يا أبوك يا أخوك يا أمك يا أختك يا ابنك يا ابنتك فعاملهم أحسن معاملة بعد إذنك عشان ربنا يكرمك وده ميمنعش إن فيه سواقين تكاتك محترمين وشكرا لحضراتكم ونتقابل في مقال جديد تحياتي 🌹 محمد عبد القوي
فضلا منكم المدونة بتاعتكم ♥️
ليست هناك تعليقات: